logo
Publicate per le Union Mundial pro Interlingua (http://www.interlingua.com)

Interlingua pro viagiatores germanophone

Per Thomas
Create 2018-02-24 12:24

Duo nove brochures contine parolas e phrases utile pro le viage.

UMI  Viagiatores germanophone pote ora plus facilemente communicar con le locales, quando illes viagia a paises romanophone.

Interlingua pro le viage

Isto es gratias al duo nove brochures, "Interlingua für die Reise" (Interlingua pro le viage) e "Du hast das Wort in der "Vermittlersprache" Interlingua" (Tu ha le parola – Interlingua), que pote esser discargate gratuitemente del adresse www.interlingua.com/instruction-national [0].

Le duo brochures contine parolas e phrases utile, quando on viagia e non cognosce le lingua local. Gratias al enorme comprensibilitate de interlingua, on pote usar interlingua in le communication con le habitantes local, e per medio de iste brochures il es facile trovar le bon parolas e expressiones.

Ambe brochures esseva originalmente publicate per le Union Danese pro Interlingua ma ha essite traducite e adaptate a un publico germanophone per Daniel Weingärtner.


Adresse de fonte:
http://www.interlingua.com/novas/2018-02-24-viage