logo
Publicate per le Union Mundial pro Interlingua (http://www.interlingua.com)

Radio Interlingua reporta del 22e conferentia de interlingua

Per Thomas
Create 2017-11-07 22:02

Grande reportage del conferentia international de interlingua in Las Palmas.

UMIRadio Interlingua 22e conferentia international de interlingua  Le 22e conferentia international de interlingua [0] in Las Palmas in le fin de octobre deveniva un grande successo.

Radio Interlingua esseva naturalmente presente e ha colligite un reportage con multe interviews con le participantes e presentatores. Durante un medie hora illes narra super lor experientias e impressiones in le agradabile citate con le agradabile climate, justo proxime al plagia. Le septe dies esseva un paletta de activitates, discussiones, intertenimento, excursiones, conversationes e bon mangiar in le sol con 26-28 grados durante le die.

Audi le reportage e sia inspirate a participar in le proxime conferentia international de interlingua in duo annos.

Radio Interlingua [0] es radio totalmente in le international lingua auxiliar interlingua. Nos essaya includer si multe differente personas como possibile, proque il ha tante bon historias e interessante novas a narrar. Radio Interlingua assi es radio intelligente e radio interessante – e radio in interlingua. E Radio Interlingua es a disposition 24 horas per die, 365 dies per anno directemente in www.interlingua.com/radio [0] o como podcast, isto es files in le formato MP3 que tu pote discargar e audir quando tu ha le tempore.


Adresse de fonte:
http://www.interlingua.com/novas/2017-11-07-radiointerlingua