logo
Publicate per le Union Mundial pro Interlingua (http://www.interlingua.com)

22e Conferentia International de Interlingua

Per Thomas
Create 2017-08-06 17:12

22e Conferentia International de Interlingua
del Union Mundial pro Interlingua (UMI)

le 25 ~ 31 de octobre 2017 | Benvenite a Espania!

↓Information e actualitates↓ • (in un momento:) Programma • Scheda de inscription [0]


Iste pagina es actualisate continuemente con le novas le plus recente super le 22e conferentia.

22e conferentia international de interlinguaUMI  Le UMI invita omne interessatos e lor familias al 22e Conferentia International de Interlingua in Las Palmas sur Gran Canaria in Espania le 25-31 de octobre 2017. Veni apprender e practicar interlingua e experientia le possibilitates con un belle lingua international in amicitate, collaboration, recreation e amusamento!

Le 22e conferentia international de interlingua comprehende tres partes, e il es possibile seliger le partes in le quales participar, secundo le tempore disponibile e le desiros:
Le pre-conferentia se tenera mercuridi le 25/10 e jovedi le 26/10. Illo consistera in discussiones e in nostre curso de interlingua pro comenciantes que permittera a cata participante de (re)trovar le uso oral de Interlingua in un ambiente amical. Experimenta quanto facile- e rapidemente vos devenira un parlante active de interlingua!
Le conferentia principal, de venerdi le 27/10 a dominica le 29/10, permittera assister a discursos interessante e participar a seminarios interactive. Gaude de un programma interessante e educative in interlingua!
Le post-conferentia, lunedi le 30/10 e martedi le 31/10, essera le occasion de facer tourismo sur le insula Gran Canaria usante Interlingua pro communicar. Non manca a nostre traditional tours guidate in interlingua!

Le pre-conferentia comencia le 25 de octobre a 10 horas. Il es assi consiliabile arrivar le 24 de octobre. - Le post-conferentia fini le 31 de octobre a 14 horas. On pote decider remaner ancora un die; isto es arrangiate directemente con le hotel.

Le plagia Las Canteras
Le plagia Las Canteras se trova un minuta a pede ab le hotel del conferentia. Photo: Hotel Verol

LE NOVAS LE PLUS RECENTE
  • Scheda de inscription 2017 [0] (in interlingua) | Registration form 2017 [0] (in English)
  • Le placard official del 22e conferentia international de interlingua in Las Palmas, 2017 [0] (in formato PDF, preste a imprimer)
  • Sondage de interesse pro le 22nde Conferentia International de Interlingua [0]

LIGAMINES INTERESSANTE
  • Hotel Verol [1], le centro conferential
  • Wikipedia in interlingua: Las Palmas [2]

PRACTICALITATES
  • On debe mesme arrangiar su transporto a e ab le hotel. Hotel Verol es centro conferential, situate un minuta a pede ab le plagia Las Canteras, cinque minutas ab le Parco Sancta Catalina e cinque minutas ab le porto con botecas. Il ha libere accesso a Internet sin filo in le hotel. Le distantia ab le aeroporto es 25 km, un tour de 20 minutas in taxi. Autobus linea 60 va ab le aeroporto al Parco Sancta Catalina.

PRECIOS E INSCRIPTION
  • Quando tu inscribe te (e sperabilemente anque membros de tu familia, qui es multo benvenite), tu debe seliger qual dies tu vole reservar tu camera(s) de hotel.
    Scheda de inscription 2017 [2] (in interlingua) | Registration form 2017 [2] (in English)

Adresse de fonte:
http://www.interlingua.com/conferentia/2017