logo
Publicate per le Union Mundial pro Interlingua (http://www.interlingua.com)

Explora le collection cultural in interlingua

Per Thomas
Create 2017-07-04 17:46

Le mensual magazin digital Almanac de interlingua describe cultura ab tote le mundo. Tote le collection es disponibile in www.interlingua.com.

UMIAlmanac de interlingua  Inter le multissime offertas de materiales gratuite in interlingua in www.interlingua.com es le collection complete del mensual magazin digital Almanac de interlingua, un revista digital cultural publicate in Brasil. E le collection cresce cata mense con ancora un edition.

Le collection complete del Almanac de interlingua comprehende actualmente 88 editiones. Le magazin cultural brasilian ha apparite cata mense desde octobre 2009, e si tosto que un nove edition es publicate, on pote trovar lo intra poc dies anque a www.interlingua.com/almanac [0]. Cata edition riccamente illustrate ha 5-8 paginas A4, ma Almanac in interlingua es un magazin digital, dunque on debe leger lo sur le schermo o mesme imprimer lo sur papiro.

Si on desira abonar se directemente, isto es gratuite. On debe simplemente inviar un message a almanacdeinterlingua@yahoo.com.br [1]. Pois on recipe automaticamente le nove edition in su cassa postal digital.


Adresse de fonte:
http://www.interlingua.com/novas/2017-07-04-almanac