logo
Publicate per le Union Mundial pro Interlingua (http://www.interlingua.com)

Mini-vocabularios e grammaticas in multe linguas

Per Thomas
Create 2017-03-27 20:35

Le "Breve grammatica e vocabulario de interlingua" con 400 parolas es disponibile in dece linguas national - e un version international.

UMIMateriales national [0]  Un longe serie de parve brochures con 400 parolas frequente in interlingua e un mini-grammatica es ora a disposition in differente linguas in le sito del Union Mundial pro Interlingua, www.interlingua.com.

”Breve grammatica e vocabulario de interlingua” es le titulo del brochure que pote esser discargate in formato PDF. Assi on pote usar lo sur un schermo o imprimer lo sur papiro. Il ha un version con le 400 parolas con traductiones in anglese, espaniol, francese, germano e italiano in un brochure. Le introduction de illo es in interlingua e explica le regulas basic del grammatica.

Ultra isto, il ha versiones in multe linguas national, assi que on plus facilemente pote orientar se super le grammatica e haber un mini-dictionario practic sempre a disposition. Le versiones national es in anglese, danese, espaniol, germano, hungaro, kiluba, portugese-brasiliano, rhetoromano, romaniano, slovaco e turco. Plus de linguas es in preparation.

Ja existe multe altere materiales in multe linguas. Visita www.interlingua.com/instruction-national [0] e discarga tote le interessante cursos, dictionarios, folios de information e brochures gratuitemente.


Adresse de fonte:
http://www.interlingua.com/official/2017-03-27-national