logo
Publicate per le Union Mundial pro Interlingua (http://www.interlingua.com)

Audi le viages con interlingua

Per Thomas
Create 2016-08-07 15:14

Duo episodios in le serie gratuite de conversationes quotidian in interlingua ha essite registrate como files MP3 pro cursos de interlingua o pro autostudio.

UMIViages con interlingua  Audi duo episodios del serie de education "Viages con interlingua", durante que tu studia le textos e face le exercitios.

Durante le 15te incontro nordic de interlingua in julio 2016, sex participantes se assemblava pro registrar duo del conversationes in le gratuite serie "Viages con interlingua" que es elaborate pro esser usate in cursos de interlingua o pro autostudio. Le episodios "In viage a casa" e "Un visita guidate per GPS" pote assi esser discargate non solmente como PDF, assi que on pote leger le textos sur un schermo o mesme imprimer los sur papiro, ma anque como un file MP3. Assi on pote ascoltar le conversation e apprender plus facilemente interlingua.

"Viages con interlingua" es un serie con actualmente 17 episodios. Cata episodio consiste de duo paginas con conversationes quotidian in interlingua, assi que on pote apprender un vocabulario pro situationes que on pote usar cata die. Pro le recente multe episodios il ha in ultra un pagina con exercitios pro le texto. Tote le material es in interlingua.

Le serie ha como personas principal le tres amicos Anna, Petro e Paulo, qui viagia a multe partes del mundo, e on seque lor viages - e a vices difficultates.

Le duo episodios que ora existe como audio, ha essite registrate per Ingrid Ivarsson, Barbara Rubinstein, Kenneth Platter, Ruud Harmsen, Magne Heie e Inger Maria Olsson.

Visita www.interlingua.com/instruction [0] e discarga tote le materiales gratuite in le serie "Viages con interlingua" e de altere series.


Adresse de fonte:
http://www.interlingua.com/novas/2016-08-07-viagesconinterlingua