logo
Publicate per le Union Mundial pro Interlingua (http://www.interlingua.com)

Radio Interlingua retorna

Per Thomas
Create 2016-07-09 20:51

Con le 62nde podcast Radio Interlingua retorna a podcasts regular e presenta un intervista con un homine global.

UMIRadio Interlingua  Post un periodo con emissiones irregular, Radio Interlingua ha retornate e va presentar se de novo regularmente.

Le 62nde podcast ha justo apparite, de novo sub le redactorato de Péter Kovács. Ille summarisa le evenimentos forsan le plus importante que occurreva in le mundo de interlingua durante le passate menses, quando Radio Interlingua habeva un pausa. Le nove emission anque presenta un intervista con Donald Gasper, britannico in Hongkong - un registration del 18ve conferentia international de interlingua in Kirchheimbolanden, Germania, in 2009. Como sempre, le emissiones de Radio Interlingua presenta breve pecias musical e original del compositor hungare Csaba Kocsis.

Le podcasts de Radio Interlingua pote esser ascoltate in linea, o on pote discargar omne 62 emissiones del adresse www.interlingua.com/radio [1] - un ricchessa de audio in interlingua con multe voces, multe bon historias e multe interlingua. Il habera un nove emission circa cata mense. Radio Interlingua es radio totalmente in interlingua.


Adresse de fonte:
http://www.interlingua.com/novas/2016-07-09-radio