logo
Publicate per le Union Mundial pro Interlingua (http://www.interlingua.com)

Radio Interlingua: Conferentia e litteratura pro le vacantias

Per Thomas
Create 2015-07-13 18:10

Emission numero 60 se occupa con le 21me conferentia international de interlingua e le multe libros que on pote leger durante le estate.

UMIRadio Interlingua  Le 21me conferentia international de interlingua [0] e le litteratura in interlingua [0] es le themas in le 60esime emission de Radio Interlingua [0] que retorna post un pausa.

Le nove emission de julio dura 25 minutas e ha Thomas Breinstrup, redactor del magazin Panorama in interlingua [0], como hospite. Ille ha prendite un pilo de bon libros in interlingua con se in le studio e explica qual titulos es excellente a leger durante le estate pro assi esser ben intertenite - o simplemente pro apprender interlingua melio.

Naturalmente le 21me conferentia in Benidorm in Espania le 19-24 de septembre es anque presentate. Si on desira participar a un precio reducite, on debe inscriber se ante le 31 de julio. Post iste data, le precios cresce.

Radio Interlingua es radio totalmente in interlingua. Le emissiones ha devenite multo popular. Milles de personas los discarga in formato MP3 o ascolta directemente in www.interlingua.com/radio [0]. Omne le 60 emissiones es presente - isto anque es un bon intertenimento e education lingual durante le estate.


Adresse de fonte:
http://www.interlingua.com/novas/2015-07-13-radio