logo
Publicate per le Union Mundial pro Interlingua (http://www.interlingua.com)

Trolls norvegian como libro gratuite

Per Thomas
Create 2015-06-16 16:10

Autor dona su libro super le trolls norvegian gratuitemente a omnes.

UMITroll  Norvegia es cognoscite pro multe cosas: un bellissime natura, un longissime pais, gentilissime norvegianos ... e le trolls.

Un del expertos, ├ůsmund Aukland, qui es ex-presidente e co-fundator del Union Norvegian pro Interlingua, ha scribite un libro super le entes peculiar, "Troll". Iste libro esseva originalmente publicate in un version imprimite, ma le autor ha decidite donar su libro in un version digital a omnes pro crear plus de interesse pro le trolls.

"Troll" es plen del designos exceptional e inspirante per le autor mesme e functiona como un sorta de mini-curso de interlingua. Ma illo anque tracta le ancian deos nordic. Le e-libro es parte del Bibliotheca electronic in interlingua [0] - un collection de e-libros e audio, absolutemente gratuite a discargar e usar. Actualmente le bibliotheca offere plus que 80 obras, dunque usa los ben e multo.

Bibliotheca electronic in interlingua: Visita www.interlingua.com/e-libros [0] pro discargar multe e-libros gratuite


Adresse de fonte:
http://www.interlingua.com/novas/2015-06-16-bibliotheca