logo
Publicate per le Union Mundial pro Interlingua (http://www.interlingua.com)

Presentation de interlingua in 34 linguas

Per Thomas
Create 2015-01-24 19:08

Occitano es le lingua le plus recente del serie de breve presentation de interlingua e su multe possibilitates.

UMIInformation national  Interlingua se presenta ora in 34 linguas, post que occitano - le lingua historic parlate in le sud de Francia e le nord de Espania - ha essite addite al lista. Occitano es in Catalonia lingua co-official con catalano e espaniol.

Sub Info national [0] on trova le mesme breve presentation concise de interlingua e su multe possibilitates in un longe serie de linguas. Tote le tempore es addite nove linguas. Le servicio debe facer lo plus facile trovar informationes in su proprie lingua e assi orientar se super interlingua.

Le UMI desira presentar interlingua in si multe linguas como possibile - e non solmente illos que ja ha essite listate sub "Info national". Pro isto le UMI es multo interessate in obtener contacto con personas, qui pote assister e livrar traductiones in le linguas que ancora manca e in altere linguas.

Scribe un message al administrator de www.interlingua.com [0] per le formulario ci, si tu pote adjutar con iste carga, e memora indicar ben tu proprie informationes de contacto.

Memora que il ha anque un tote section con breve films, ubi personas ab tote le mundo presenta interlingua e su avantages in lor linguas materne. Vide le films ci [0].


Adresse de fonte:
http://www.interlingua.com/novas/2015-01-24-occitano