logo
Publicate per le Union Mundial pro Interlingua (http://www.interlingua.com)

Collega criminal de Sherlock Holmes in "Facile a leger in interlingua"

Per Thomas
Create 2014-12-27 13:59

Le fur gentilhomine Arsène Lupin es amate per omnes qui cognosce francese. Ora veni duo episodios in interlingua.

UMIArsène Lupin - le fur gentilhomine  In Francia on cognosce ben le nomine Arsène Lupin – le fur gentilhomine, qui constantemente dupa le policia in maniera elegante e charmante. Un collega criminal a Sherlock Holmes, Arsène Lupin appare in numerose contos, romances e films – e ora anque in interlingua.

"Arsène Lupin - le fur gentilhomine [1]" es le octave in le serie “Facile a leger in interlingua [1]”, le libros in le quales omne parolas extra le 2.500 definite in “Interlingua – dictionario basic” es explicate (in interlingua) in notas al pede del pagina.

Arsène Lupin esseva create per le jornalista e scriptor francese Maurice Leblanc (1864-1941). Ora veni duo episodios con le fur gentil-homine in interlingua: “Le charpa de seta rubie” e “Herlock Sholmès arriva troppo tarde”, le ultime un parodia al famose detective anglese. Italo Notarstefano de Italia ha de novo traducite e adaptate le narrationes a "Facile a leger in interlingua".

Le precio de "Arsène Lupin - le fur gentilhomine" de 40 paginas A5 es 6 euros + porto postal".

Lege plus e ordina le libros per www.interlingua.com/facilealeger [1].


Adresse de fonte:
http://www.interlingua.com/novas/2014-12-27-facilealeger