logo
Publicate per le Union Mundial pro Interlingua (http://www.interlingua.com)

Mini-guida: Wikipedia in interlingua (Thomas Breinstrup)

Per Thomas
Create 2014-06-15 14:45

Thomas Breinstrup: "Mini-guida: Wikipedia in interlingua - assi tu scribe un articulo", Panorama in interlingua, 2013, 2 pp. A4

  Un encyclopedia solmente es bon, si on pote expectar trovar un responsa in illo. Pro isto le Wikipedia in interlingua [1] ora demanda adjuta pro augmentar le numero de entratas, e omnes pote assister per scriber super lor themas favorite.

Iste mini-guida de duo folios A4 explica con multe illustrationes, como on lo face. In breve, on debe crear un nomine de usator, e alora on ha accesso a adder nove explicationes in le Wikipedia in interlingua (http://ia.wikipedia.org). On pote naturalmente anque developpar articulos ja scribite con extra informationes. On labora directemente in su programma de Internet (Internet Explorer, Firefox, Opera, Safari, Chrome etc.) e assi non besonia altere programmas.

Le articulos debe esser si factual e precise como possibile. Il non se tracta de scriber un roman, e isto face le carga minus grande. Si on scribe super un thema de interesse, p.ex. un hobby, il es plus facile contribuer. E si on non se senti secur, si su linguage es toto correcte, on pote simplemente marcar le articulo. Alora le altere redactores del Wikipedia in interlingua pote facilemente trovar le articulo e controlar - e eventualmente corriger - lo.

Le mini-guida ha essite elaborate per Thomas Breinstrup, redactor del Panorama [1].

Discarga le mini-guida! [1]


Adresse de fonte:
http://www.interlingua.com/e-libros/wikipedia