logo
Publicate per le Union Mundial pro Interlingua (http://www.interlingua.com)

Le angulo linguistic: Crude - rude

Per Thomas
Create 2013-08-25 21:06

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua [0].

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Crude – rude

  A vices le differentias in signification es parvissime. Il se tracta de detalios – ma detalios importante.

Crude significa non cocite, qualcosa que es in su stato natural, p.ex. materias crude pro le industria o pisce crude pro le cena.

Rude significa non cortese, alcuno qui se comporta in un maniera non agradabile. Ma illo anque significa qualcosa in su stato original sin haber essite preparate o tractate. Exemplo: Le superficie del ligno es ancora rude e non apte pro construer un tabula.


Adresse de fonte:
http://www.interlingua.com/linguistic/crude-rude