logo
Publicate per le Union Mundial pro Interlingua (http://www.interlingua.com)

Le angulo linguistic: Pro cento e non pro centos

Per Thomas
Create 2013-08-25 20:30

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua [0].

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Pro cento e non pro centos

  Le signo % significa un certe numero ab un total de cento. Isto es in interlingua pro cento (o per cento – le duo es identic, dunque on pote liberemente seliger, ma habe un preferentia e selige un forma; non cambia inter le duo):

90 pro cento, 50 pro cento, 100 pro cento

Sempre le forma es cento, non jammais le plural centos, nam le expression parla de un numero ab precisemente cento. E sempre le expression pro cento o per cento es in duo parolas: Quante pro cento del urbe ha un auto?

Curiosemente, quando on parla de un certe numero de pro cento, on pote parlar solmente del percentage (non "procentage"): Un percentage fixe del habitantes venira pro le festa.


Adresse de fonte:
http://www.interlingua.com/linguistic/pro-cento-e-non-pro-centos