logo
Publicate per le Union Mundial pro Interlingua (http://www.interlingua.com)

Le angulo linguistic: Geographia

Per Thomas
Create 2013-08-24 18:08

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua [0].

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Geographia

  Le quatro punctos cardinal es: nord, sud, est, west.

Io habita in le nord de Europa. Ille habita in le sud de Africa ma non in Africa del Sud. Europa es al nord de Africa ma non in Africa del Nord.

Quando on parla de areas geographic, in le quales le punctos cardinal es parte, on sempre usa le articulo definite e scribe le puncto cardinal per un majuscula (= un grande littera initial): America del Nord, America del Sud, Germania del West, Germania del Est.

Nos ha le vento del nord, le vento del sud, le vento del est, le vento del west.

E nos ha le polo nord e le polo sud.

On dice anque: Io va al nord.

In adjectivos composite, le puncto cardinal es sequite per un lineetta de ligation: nord-american, sud-african, est-europee, west-asiatic.

Similemente pro describer le personas qui veni del areas: nord-americano, sud-africano, est-europeo, west-asiatico.


Adresse de fonte:
http://www.interlingua.com/linguistic/geographia