logo
Publicate per le Union Mundial pro Interlingua (http://www.interlingua.com)

Le angulo linguistic: Le differentia inter "retro" e "detra"

Per Thomas
Create 2013-08-24 16:35

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua [0].

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Le differentia inter retro e detra

  Io pote star detra le porta pro non esser vidite, o io pote esser detra mi competitores, assi que io non ha multe chances pro ganiar. Io anque pote simplemente esser detra – io alora non ha attingite le position que io desirava, alteres es ante me.

Detra es un preposition e un adverbio. Ma retro solmente es un adverbio e assi non pote esser combinate con un substantivo:

Amicos, io es retro. Io desira un billet ir e retro. Io te da le libro retro. Io va a retro (= io va in direction opposite al normal).

E naturalmente on trova retro- como parte de numerose parolas: retrograde, retrospective, retroceder (= mover se a retro).


Adresse de fonte:
http://www.interlingua.com/linguistic/retro-detra