logo
Publicate per le Union Mundial pro Interlingua (http://www.interlingua.com)

Le angulo linguistic: E tu nomine es...?

Per Thomas
Create 2013-08-24 14:24

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua [0].

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

E tu nomine es...?

  Exactemente como certe nomines de urbes es scribite in interlingua, assi es anque le caso con certe nomines personal – naturalmente solmente le prenomines. Certe nomines ha formas international, e istos es sovente usate in interlingua, proque illos es plus facilemente comprensibile.

Exemplos de istos es Carolo (versiones national: Karl, Karel, Carl, Carlo, Charles), Carolina (Caroline, Karoline, Karolina), Augusto (August), Antonio (Anton, Anthony, Antoine), Eduardo (Edward, Edouard), Julio (Julius), Paulo (Paulus, Paul, Poul, Povl), Petro (Peter, Pierre, Per, Petyo), Gregorio (Gregorius), Guilhelmo (Wilhelm, William, Vilhelm), Philippo (Felipe, Felipe, Filippo, Filip), Frederico (Frederic, Frederik, Frederick, Friedrich), Henrico (Henri, Henry, Henrik, Enrique, Henryk), Johannes (Johan, John, Juan, Jean), Ludovico (Louis, Ludvig, Ludwig, Luigi, Luis), Michael (Michel, Miguel, Mikael, Mike). – E on recognosce Carolo Magne, Carolo IV, Petro le Grande, Jesus Christo, Christophoro Columbo, Esopo, Julio Cesare.


Adresse de fonte:
http://www.interlingua.com/linguistic/tu-nomine