Skip navigation.
Home

Le angulo linguistic: Un secunda!

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Un secunda!

  Como in altere linguas, anque interlingua ha su pares de parolas que on facilemente confunde, proque le orthographia es similar. Un exemplo: secunda – secunde – secundo. Que es que? Secunda es un sexantesimo de un minuta: Io venira in duo secundas. Secunde es un numero ordinal: Isto es le secunde vice que tu lo dice. E secundo es un referentia a qualcosa: Secundo le meteorologos le tempore essera nebulose.

Un altere par es le verbos volar – voler. Aviones e aves vola in le aere, e il ha un famose nave mythic appellate Le Nederlandese Volante. Un passagero pote comprar billet a un volo con un compania de aviation. – Voler es qualcosa que on desira facer: Io vole haber un gelato. Vole tu adjutar me? Como substantivo le voler o le voluntate es usate. E si on face qualcosa de bon voluntate, on lo face voluntarimente.

Initio del pagina