Skip navigation.
Home

Le angulo linguistic: Un par e un copula

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Un par e un copula

  Un par es duo, e un copula es duo, ma totevia le duo parolas non sempre es identic.

Le par es exactemente e sempre duo: Le par regal, un par de berillos, un par de guantos, un par de cisorios.

Le copula anque es duo: Un copula de sposos (le duo qui se ha maritate). Un copula de dansatores (le duo qui dansa insimul). Un portrait de copula (un portrait duple).

Ma si on parla de un numero non troppo determinate, ma certo non enorme, on usa alcun: On trova alcun ursos que vive in le foreste (il ha duo o plus). Illo circumgira alcun stellas extinguite (nos non pote contar exactemente le numero, forsan alcunos in plus). Le incontro non esseva un successo, solmente veniva alcun pocos.

Initio del pagina