Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Un nascimento difficile

  Le verbo nascer es special, proque illo non es usate como multes pensa. Nascer significa venir al mundo e assi non pote esser combinate con le verbo esser. Ma on pote naturalmente usar haber (ha nascite, habeva nascite) pro exprimer le passato:

Ille nasceva in 1965 (mille novem centos sexanta-cinque). Io ha nascite quando tu habeva cinque annos. Multe homines famose nasceva in Roma. Ille habeva nascite proxime a Copenhagen. Senior Hugo, nascite in 1925 (mille novem centos vinti-cinque), es le chef del interprisa. Cata die nasce multe infantes.