Skip navigation.
Home

Le angulo linguistic: Ulle - alcun - qualcunque

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Ulle – alcun – qualcunque

  Ulle es le contrari de nulle, ma isto es anque alcun e qualcunque, dunque quando usar qual parola?

Un bon principio pote esser isto: Solmente usa ulle, si il es necessari pro precisar qualcosa que non es precisate per alcun o qualcunque. Si tal situationes non existeva, il non haberea besonio del toto pro ulle.

Ulle significa plus tosto "alcuno o qualcosa del toto", durante que alcun solmente es "qualque" (= un certe numero) e qualcunque es "non importa qual". Ante toto, il ha tres situationes, in le quales ulle pote esser besoniate:

      1) Interrogative: Ha tu ulle libros? (= del toto)
      2) Negative: Io non ha ulle libros (del toto)
      3) Si...: Si io habeva ulle libros (del toto), io los venderea

Naturalmente il pote haber altere casos, p.ex.: Isto io dice sin ulle gaudio/ironia/malitia (ma sempre = alcun del toto). Ma multes, forsan le majoritate, non ha comprendite le differentia inter ulle e alcun e usa pro isto o non ulle del toto o risca facilemente usar lo incorrectemente.

Initio del pagina