Skip navigation.
Home

Le angulo linguistic: Primo memora... - secundo memora!

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Primo, memora...!

  Le uso del cifras cardinal e ordinal differe un poco de lingua a lingua, e isto pote naturalmente causar confusion in interlingua.

In datas on sempre usa le numeros cardinal – ma pro le prime die il es permittite usar le numero ordinal: le 1 de maio, le 1 de octobre (pronunciate le prime o le un de ...). In omne altere datas on usa numeros cardinal: le 2 de februario (le duo), le 21 de decembre (le vinti-un), le 13 de augusto (le dece-tres).

Nota duo cosas: 1) Mesmo si on dice le prime de maio, le cifra es scribite como un normal cifra cardinal. 2) In combinationes como le 21 de decembre le numeros remane cardinal, mesmo si le cifra 1 es includite – assi on dice le vinti-un de decembre.

Secundo, memora...!

  In omne altere connexiones que datas, le uso de numeros cardinal e ordinal va parer assatis logic pro quasi omnes: mi prime amata, le secunde strata a dextere, pro le vintesime vice: tace!

Quando on usa numeros ordinal pro numerar occasiones, on pote abbreviar los – ma on debe facer lo correctemente, i.e. secundo le plen parola. Isto es facite per adder le ultime duo o tres litteras del parola, ma il es possibile usar sempre -e:

1me  prime (o: 1-e)
2nde  secunde (o: 2-e)
3tie  tertie (o: 3-e etc.)
4te  quarte
5te  quinte
6te  sexte
7me  septime
8ve  octave
9ne  none
10me  decime
11me  dece-prime
12nde  dece-secunde
13tie  dece-tertie
14te  dece-quarte
20me  vintesime
21me  vinti-prime
22nde  vinti-secunde
30me  trentesime
40me  quarantesime
50me  cinquantesime
60me  sexantesime
70me  septantesime
80me  octantesime
90me  novantesime
100me  centesime
Initio del pagina