Skip navigation.
Home

Le angulo linguistic: Un handicapat...?

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Un handicapat...?

  On pote usar multe adjectivos como substantivos – le grande question totevia es, como se scribe illos alora?

Adjectivos describe personas, animales e cosas/objectos. Assi on pote dicer que on es handicapate, si on non functiona a 100 pro cento normalmente. On assi parla de un persona handicapate.

In principio, omne adjectivo pote esser usate, como si illo esseva un substantivo: Io es handicapate. Tu es un handicapate. Nos vide duo handicapates.

Si il se tracta de personas, on pote usar le finales -o e -a. Le -o es sovente le final de substantivos general (e assi masculin), durante que le -a es usate a vices pro indicar que le substantivo es feminin. Assi on pote dicer: Tu es un handicapato, e tu soror es un handicapata.

In practica, le majoritate totevia usa simplemente le adjectivo (io es handicapate) o adde un substantivo (nos videva duo personas handicapate).

On pote leger plus super adjectivos usate como pronomines o substantivos in le "Grammatica de Interlingua" ci: www.interlingua.com/node/409.

Initio del pagina