Skip navigation.
Home

Le anno linguistic: Le differentia de "a" e "in"

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Le differentia de a e in

  Le preposition a indica normalmente un direction, durante que in significa que on ha arrivate a su destination.

Quando io retorna del labor, io assi va a casa. E quando io sede in mi salon, io es in casa. Si on telephona a alcuno, on demanda, si iste persona es in casa.

Similemente on pote star al prime etage de un edificio e prender le scala a basso. Quando on ha descendite del scala, on es in basso.

On pote calcar un balla a alto – forsan tote le via al nubes? Le nubes vola in alto, nam illos (sperabilemente) remane la.

Initio del pagina