Skip navigation.
Home

Le angulo linguistic: Minusculas in dies e menses

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Menses minor

  Un septimana ha su nomine secundo le septe (7) dies. In interlingua, tote le dies es scribite con minusculas – parve litteras initial – mesmo si le nomines refere a planetas e deos del mythologia ancian:

lunedi, martedi, mercuridi, jovedi, venerdi, sabbato, dominica.

Anque le nomines del dece-duo (12) menses es con minusculas:

januario, februario, martio, april, maio, junio, julio, augusto, septembre, octobre, novembre, decembre.

Initio del pagina