Skip navigation.
Home

Le angulo linguistic: Como scriber litteras

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Como scriber litteras

  Quando on scribe litteras o messages, il pote esser difficile trovar le tono correcte, nam il ha grande differentias inter le maniera de exprimer se in le varie paises.

Pro initiar un littera on pote scriber:

  • Car ... (normal e anque plus intime)
  • Estimate ... (plus formal)
  • Salute, ... (quotidian)

In le fin del littera/message on pote scriber per exemplo:

  • Amicalmente (neutral)
  • Sincermente (formal)
  • Cordialmente (plus intime)
  • Con salutes amical (neutral)
  • Con salutes cordial (plus intime)
  • Con le optime salutes / Con mi optime salutes (neutral ma plus forte)
Initio del pagina