Skip navigation.
Home

Le angulo linguistic: Al hasardo o per hasardo

Parolas del mense

Iste consilios de como usar interlingua correctemente ha essite publicate in le magazin official del Union Mundial pro Interlingua, Panorama in interlingua.

Redaction: Thomas Breinstrup
Memora que tu pote sempre consultar le Commission Linguistic del Union Mundial pro Interlingua super questiones lingual de interlingua. Clicca in le navigation a sinistre al puncto Commission Linguistic pro ir al formulario.

Al hasardo o per hasardo

  Recognosce tu le dilemma qual preposition seliger in un expression? Alora tu non es sol. Prepositiones es le grande fonte de problemas in omne linguas – specialmente quando il ha plure expressiones con le mesme parola ma con prepositiones differente.

Hasardo es un tal parola que appare como al hasardo e per hasardo.

Al (hasardo) es usate quando un persona activemente se effortia in le spero de esser felice e obtener qualcosa: Pro saper plus super interlingua io al hasardo consultava varie articulos in mi grande encyclopedia.

Per (hasardo) es usate, quando qualcosa simplemente occurre – inexpectate o impreviste, i.e. sin que on lo expectava, desirava o sperava: Legente le jornal io per hasardo esseva attrahite per un articulo super interlingua.

Como synonymos a al hasardo e per hasardo pote esser usate le alternativas al aventura e per aventura.

Initio del pagina