Bibliographia de Interlingua

Pagina principal del Bibliographia


Documentationes, Litteratura, etc.

Goldoni, Carlo: Le Albergatrice
Traducite in interlingua per Tazio Carlevaro.
Editor Hans Dubois, Bellinzona, Suissa. 1995, 112 pp., A5.

Le historia charmante "Le albergatrice" es inter le comedias le plus appreciate per Carlo Goldoni (1707-1793), un del plus grande autores italian de comedias del fin del 18e seculo. Mirandolina es desirate per multe nobiles ma illa certo non es un femina mansuete. — Un classico que on apprecia in tono, stilo, replicas, atmosphera e humor.

Tazio Carlevaro, Viale Motta 32, CH-6500 Bellinzona, Suissa: 18 CHF.
Servicio de Libros: 12 €.


Goldoni, Carlo: Le familia del antiquario
Traducite e introducite per Tazio Carlevaro.
Editor Dubois, Bellinzona, Suissa. 1993, 2e edition renovate, 82 pp., A4.

"Le familia del antiquario" es un comedia minus cognoscite del poeta comic italian, qui viveva de 1707 a 1793. Iste comedia presenta complicationes lingual proque le personas de cata classe social parla su proprie lingua. P.ex. le nobiles parla le italiano classic, le alteres le venetiano. Interessante es que le traductor solve iste problema per traducer le venetiano per occidental e le italiano per interlingua. De plus ille varia le interlingua secundo le nivello cultural del personages. Le traductor ha providite iste publication de un introduction in interlingua e in occidental.

Tazio Carlevaro, Viale G. Motta 32, CH-6500 Bellinzona, Suissa: 20 CHF.


Gopsill, F. P.: Enigmas in Interlingua
British Interlingua Society. 1989, 60 pp., A5.
ISBN 0-9511695-5-6.

British Interlingua Society: 2,50 GBP.
Servicio de Libros UMI: 4 €.


Gopsill, F. P.: Enigmas de parolas cruciate
British Interlingua Society, 1989, 52 pp., A5.
ISBN 0-9511695-7-2.

Iste libro ha essite scribite a fin que le lector pote amusar se e apprender o meliorar su cognoscentia de interlingua.  Le enigmas pote esser difficile a solver, ma con patientia on recipera le recompensas de su labores. Al fin se trova le responsas.

British Interlingua Society: 2,5 GBP.
Servicio de Libros UMI: 4 €.


Gopsill, F. P.: Interlingua, concepto e structura
Un presentation de interlingua al Parlamento Europee, Bruxelles, le 29 de septembre 1993.
British Interlingua Society, 1993, 24 pp., ill., A5. ISBN 1-898017-05-0.

Contine un excellente exposition del possibilitates de interlingua pro organisationes international.

British Interlingua Society: 1 GBP.


Gopsill, F. P.: Prejudicio, Ignorantia, Negligentia. Interlingua in question e responsa
British Interlingua Society, 1995, 70 pp., A5.
ISBN 1-898017-08-5.

Iste libro es le resultato de un discussion al 11e Conferentia International de Interlingua. Illo tracta questiones que on pone frequentemente concernente interlingua e su utilitate como lingua international. Le libro servi a offerer responsas a questiones general con informationes ulterior.

British Interlingua Society: 4,50 GBP.
Servicio de Libros UMI: 6 €.


Hak, Esbern: Paletta: dece-duo novellas original.
Servicio de Libros UMI, 2-e ed. 1996, 44 pp., A5.
ISBN 90-711196-43-7.

Un collection multicolor de novellas original, scribite durante 50 annos per le autor danese, Esbern Hak (pseudonymo), qui ha "un talento meraviliose pro narrar. Le novellas es capturante e surprendente [...] Multo apte pro usar in le inseniamento de interlingua o (naturalmente) de leger, quando on sede in le sofa in le vespere [...] Le 12 novellas presenta un toto nove stilo del litteratura in interlingua. Que nos habera plus de iste sorta, per favor!" (Thomas Breinstrup in Panorama).

Servicio de Libros UMI: 4 €.


Hak, Esbern & Waage, Jakob: PLUS con Teddy le urso e su amicos e le aventuras de Jaco
Servicio de Libros UMI, 1996, 24 pp., A5.
ISBN 90-71196-43-7.

Isto es un libro de lectura pro infantes e mentes infantil. Traduce le contos pro tu filios e filias o instrue les in interlingua per adjuta de un grammatica e dictionario de interlingua.
Teddy le urso naturalmente es create in le imagine de "Winnie the Pooh" in le famose libro de A. A. Milne, ma proque iste contos ha loco in Danmark il se tracta de traditiones danese. Le illustrationes — como anque le serie de strips addite al fin del libro — es designate per Jakob Waage.

Servicio de Libros UMI: 3 €.


Hyrenius, Hannes: Populationes in developpamento
Titulo original: Så mycket folk. Traduction: E. Berggren, J. Nordin e I. Stenström. 1972, 112 pp., A5.

Hannes Hyrenius esseva professor al Instituto Demographic del Universitate de Gothemburg, Svedia. Su libro reporta factos fundamental re situationes e problemas demographic per le tempores in vista global con exemplos de un parve pais industrialisate. Un large spatio del libro es dedicate a lo que on pote predicer per prognoses usque al anno 2000.

Svenska Sällskapet för Interlingua: 40 SEK.
Dansk Interlingua Union: 40 DKK.
Servicio de Libros UMI: 3 €.


Inquilino, Julio: Parsifal. Un essayo del interpretation esoteric del sacre joco festive pro scena de Richard Wagner
Servicio de Libros UMI, 1983, 31 pp., A5.
Designo de copertura per Gert Tamboer.

A causa del centenario del première mundial a Bayreuth e del morte de Wagner — le 13 de februario 1883 — ha apparite iste interessante interpretation esoteric del grande opera de Wagner.

Servicio de Libros UMI: 4 €.


D'Ivoi, Paul: Le cinque soldos de Lavarède
Editions Mission Pas Impossible, 1995.
292 pp., A5. ISBN 398 820 571.

Traduction in interlingua del plus famose libro del autor francese Paul d'Ivoi: Les cinque sous de Lavarède. Le roman contine omne elementos pro esser un successo, e le traductor, René Jacobs, ha usate multissime horas pro traducer iste famose roman, in stilo aventurose de Jules Verne.

Union Interlinguiste de France: 10 €.
Servicio de Libros UMI: 10 €.


Jeszenszky, Ferenc: Problemas spinose del scientia
Version redigite e ampliate del discurso al Conferentia de Interlingua, Strasbourg, 1997. 8 pp., A5.

Servicio de Libros UMI: 2 €.


Lund, Jørgen: Le alchimista relegate
Spectaculo "pasticial" con cantos in 6 actos pro theatro de marionettes a guanto.
Editoria Heimdal, 1981, 28 pp., A5.

Le spectaculo presenta eventos decisive in le vita del famose alchimista italian Fransesco Giuseppe Borri qui ha trovate un methodo pro facer auro.

Servicio de Libros UMI: 3 €.


Lund, Jørgen: Le uso del retorta
Ed. del autor. 1980, 16 pp., A5.

Le autor explica per un description e designos clar le uso de diverse modellos de retortas, e de plus, le distillation de varie liquidos chimic.

Servicio de Libros UMI: 2 €.


Macovei, Toma: Le vita anecdotic del homines illustre
Servicio de Libros UMI, 1988, 92 pp., ill., A5.
ISBN 90-71196-11-9.

Narra in un maniera capturante e inspirante le historia del vita de plure famose homines historic, per exemplo: Edison, Homero, Voltaire, etc.  Le biographias son plen de anecdotas super iste personas illustre.

Servicio de Libros UMI: 5 €.


Macovei, Toma: Ab le auro spiritual del scena e del schermo
Servicio de Libros UMI, 1993, 92 pp., ill., A5.
Illustrate per Henrik Breinstrup.
ISBN 90-71196-28-3.

Isto es un parve encyclopedia del plus spiritual burlas, anecdotas, legendas, curiositates e observationes de spirito, super toto ab le vita del homines illustre, ma anque ab le vita quotidian, un presentation variate e original del brillante joieles spiritual ab tote le tempores e locos. "Un bon riso e un longe somno es le optime curas in le libro del medico." Assi dice un proverbio ab Irlanda. E proque non mantener su sanitate per combinar agradabile lectura con bon risos?

Servicio de Libros UMI: 6 €.


Macovei, Toma: Joieles spiritual
Servicio de Libros UMI. 1995, 96 pp. A5. ISBN 90-71196-35-6. Illustrate per Henrik Breinstrup.

Un bon burla charma nostre spirito equalmente como un joiel. Iste parve encyclopedia del plus spiritual burlas, anecdotas, legendas, curiositates e observationes es un presentation variate e original del joieles spiritual ab tote le tempores e locos.
Al fin il ha duo essayos de philosophia politic, condimentate per facetias e anecdotas.

Servicio de Libros UMI: 7 €.


Macovei, Toma: Miscellanea, insolite creationes spiritual
Servicio de Libros UMI, 1996, 104 pp., A5. ISBN 90-71196-40-2. Illustrate per Henrik Breinstrup.

In un forma anecdotic e informative Toma Macovei da su contribution pro inricchir le cultura general del juvenes e plus avantiates in etate.
"Miscellanea" es un parve encyclopedia del spiritualitate human, narrate in un maniera charmante e capturante. Le libro presenta textos pro inspiration, information e intertenimento.

Servicio de Libros UMI: 7 €.


Negalha Jonas: Le naufragio
Editiones Aquario, 1975, 36 pp., A5.

Le celebre autor ha traducite 26 de su poemas ab portugese in interlingua.

"Le poemas de Negalha es obras de genio. Illos es clar, critic, profunde e philosophic. Ille es sin dubita un del poetas le plus importante de nostre tempore." (Dr. Sarosh H. Kaikobad, Pakistan).

Servicio de Libros UMI: 4 €.


Negalha, Jonas: Le die le plus curte
(Titulo original: O dia mais curto.)
Traducite per Sven Collberg. 1975, 48 pp., A5.

In iste opusculo se trova 27 poemas de prof. Negalha, que per lor appellos honeste e passionate contra le menacia del guerra nuclear ha recipite un grande responsa in tote le mundo.

Servicio de Libros UMI: 4 €.


Negalha, Jonas: Incendio in le nave
Poemas sur le pollution.
1977, 26 pp., A5.
Copertura designate per prof. Gert Tamboer.

Le pollution es un phenomeno global, e il es dunque adequate que iste poemas del celebre autor son publicate in interlingua.

Servicio de Libros UMI: 4 €.


Negalha, Jonas: Breve curso de metaphysica.
Servicio de Libros UMI, 1981, 100 pp., A5.

Iste interessante e instructive curso de metaphysica e parapsychologia es date per le Schola de Scientias Human Anibal, Cymbron, departimento de Academia Antero de Quental, São Paulo, Brasil.

Servicio de Libros UMI: 7 €.


Negalha, Jonas: Poemas in Interlingua
Editiones Aquario, 1975, 40 pp., A5.

Un serie de poemas, que reflecte in simple parolas le attitude del poeta al vita e al morte, a se ipse e al humanitate.

Servicio de Libros UMI: 4 €.


Petit, A.: Le casa de sonios
Servicio de Libros UMI, 1992, secunde edition, 115 pp., ill.
ISBN 90-71196-27-5.

Quando le familia Petit passa le vacantias in le campania, le patre vide a su grande surprisa un casa remarcabile del qual ille ha soniate alcun vices ante vader in vacantias.
Durante le vacantias on offere a senior Petit, qui ha un position modeste de functionario in Le Haga, un plus attractive empleo. Per le succurso del soror de seniora Petit, un astute femina de affaires, on succede comprar le Casa de Sonios de senior Petit contra un precio multo modic.
Ma quando le familia se ha installate in lor nove casa, eveni eventos multo mysteriose...
On veni a saper que le casa era habitate per duo sorores qui pro passatempore cercava contactos, via le planchetta, con un amica decedite subito, ma etiam veniva in contactos con spiritos malevolente...

Servicio de Libros UMI: 8 €.


INFORMATION PRO LE COMMANDA

Ordina vostre libros per reimpler e inviar electronicamente le sequente formulario. Io inviara un factura a vos via posta electronic (si disponibile) o posta regular, que specifica le costos total e explica le optiones de pagar. Quando io ha recipite vostre pagamento, io inviara le libros a vos. Gratias pro vostre interesse! — Martijn

FORMULARIO DE COMMANDA

Nomine:
Telephono:
E-mail:
Adresse postal complete:
Commentos:

Pagina principal del Bibliographia


Le Union Mundial pro Interlingua
http://www.interlingua.com