UMIQuatro contos e duo scriptos politic (Jaroslav Hašek)  Le jornalista e satirico tchec, Jaroslav Hašek (1883-1923), deveniva celebre gratias a su romance "Le bon soldato Švejk". Le romance, un feroce satira antimilitarista, ha essite traducite in sexanta linguas. Hašek scribeva anque circa 1.500 contos breve. Ille esseva un genial scriptor, un infatigabile burlator e un grande bibitor.

Hašek esseva un militante anarchic e esseva arrestate multe vices. Pro contar burlas super le policia e le autoritates ille fundava le "Partito del progresso moderate intra le limites del lege", e habeva 38 votos del electores.

Iste e-libro presenta in interlingua quatro de su contos: Historia cannibalesc, Como nasce le presidentes del consilio del ministros in Italia, Le peccato del parocho Andreas e Le exemplo. Pois seque duo scriptos politic: Ex le "historia del partito del progresso moderate intra le limites del lege" - Le Manifesto del "Partito del progresso moderate intra le limites del lege" e Discurso re le rehabilitation del animales.

Discarga le libro!