UMIGrande lexico permutate de interlingua (Selahattin Kayalar e Piet Cleij)  Le dictionario le plus grande de interlingua sin dubita es le enorme dictionario interlingua-nederlandese, elaborate durante multe annos e sempre revidite per Piet Cleij, le vice-secretario del Union Mundial pro Interlingua (UMI).

Le obra in duo volumines contine quasi 50.000 vocabulos con plure milles de expressiones e phrases.

Selahattin Kayalar (SUA) ha ingeniosemente colligite tote le vocabulos e expressiones e permutate los, assi que on pote trovar los in omne manieras. Un expression como "como sta vos?" assi se trova tres vices in le lexico:
1) como sta vos?
2) sta vos? [como
3) vos? [como sta.
Assi le usator facilemente trova le parola cercate e apprende al mesme tempore utile expressiones.

Selahattin Kayalar:
Grande lexico permutate de interlingua (basate sur le Dictionario Interlingua-Nederlandese de Piet Cleij)
740 paginas A4
Union Mundial pro Interlingua


NB:Le e-libro es multo grande e assi ha essite comprimite in le formato ZIP. Illo debe esser dispaccate postea. Le file ZIP es 9,54 MB grande.

Discarga le libro!