Curso de interlingua pro comenciantes germanophone
Germanophonos (e omnes, qui parla germano) pote ora sequer un curso de interlingua in 15 lectiones per Internet.
Le Union Mundial pro Interlingua ora publica "Interlingua-Kurs für Anfänger" (Curso de interlingua pro comenciantes). Le curso es un version german del curso scribite pro daneses per Thomas Breinstrup, le secretario del Union Danese pro Interlingua. Illo es publicate in formato PDF lection post lection, assi que on pote discargar lo e apprender le circa 750 parolas. Le prime dece lectiones forma un historia complete del familia Hansen, qui va a Scotia pro visitar lor amicos. Il ha explicationes grammatic e exercitios pro cata lection. Le ultime cinque lectiones es conversationes plus longe.
Franz Schmiedeberg ha traducite e adjustate le version german del curso que es illustrate per Henrik Breinstrup, le patre del autor.
Tote le materiales del curso es ponite a disposition libere ma remane coperite per le derecto de autor. Isto significa que on naturalmente pote usar lo personalmente, ma que il non es permittite distribuer lo a alteres, ni publicar lo in altere manieras, p.ex. per altere sitos in Internet o sur CDs/DVDs, sin le permission in scripto del possessores del derecto de autor.
On pote discargar le material solmente si on crea un conto (gratuite) como usator de www.interlingua.com.
| Annexo | Grandor |
|---|---|
| Prefacio - Pronunciation.pdf | 37.95 KB |
| Lection 1.pdf | 133.42 KB |
| Lection 10.pdf | 153.75 KB |
| Lection 2.pdf | 316.88 KB |
| Lection 3.pdf | 156.22 KB |
| Lection 4.pdf | 160.1 KB |
| Lection 5.pdf | 108.32 KB |
| Lection 6.pdf | 210.27 KB |
| Lection 7.pdf | 157.43 KB |
| Lection 8.pdf | 174.07 KB |
| Lection 9.pdf | 190.91 KB |
| 1-me lection.pdf | 220.97 KB |
| 2-nde lection.pdf | 218.38 KB |
| 3-tie lection.pdf | 168.46 KB |
| 4-te lection.pdf | 168.66 KB |
| 5-te lection.pdf | 32.09 KB |
| Clave.pdf | 20.51 KB |
| Grammatica.pdf | 30.08 KB |
| Vocabulario.pdf | 25.47 KB |
