Le lingua tchec
Jiří Kubínek, Tchechia
le 23e conferentia international de interlingua.
Praga, Tchechia, lunedi le 23 de septembre 2019, 17.00 horas.
Le lingua tchec es le lingua del gruppo nostratic – indo-europee – slave – westslave . Illo es parlate per 13 milliones personas, de isto 10 milliones in Tchechia.
ORTOGRAPHIA
Leger le tcheco es relativemente simple, gratias a maestro Jan Hus qui inventava (1406–1412) le signos diacritic usate anque in altere linguas, e on poterea usar les internationalmente.
Vocales pote esser longe: á, é, í, ó, ú, ý e ů (= ú).
Consonantes e e pote esser palatisate:
Č – chili, ciao, Chuck Norris, tchec, ...
Ď – diable (francese)
Ě - bien (francese)
Ň – campagne (francese)
Ř – existe solmente in tcheco /rz/
Š – cheval (francese), show (anglese), schreiben (germano), chocolate
Ť – tiens! (francese)
Ž – domage (francese), sabotage
„Spřežky“ – in le latino il non ha le sonos sequente: dž, ch, ng, th, gh... In le tcheco remane: ch, dz, dž
Le orthographia diacritic es le importante invention cultural in le erudition europee e mundial.
Le tcheco ha 10 species del vocabulario:
SUBSTANTIVOS
Le substantivos indica le personas, animales, cosas, attributos, narrativos, actiones e statos, i.e. duo gruppos – concrete e abstracte. Es le division secundo le generalitate. Il ha anque substantivos derivate de verbos.
Pád (caso) es chracteristic notamente pro le linguas flexive. Le numero de casos in linguas europee:
2: anglese, svedese, bulgaro
4: germano
6: latino, slovaco, russo
7: tcheco, polonese, ukrainiano
14: estoniano
15: finnese
Le casos in tcheco (responde al questiones):
1. Nominativo – forma basic
2. Genitivo – de qui, de que
3. Dativo - a qui, a que
4. Accusativo – io vide qui, que
5. Vocativo – in le latino: 1. servus 5. serve!
6. Local – io parla de qui, que
7. Instrumental – con qui, con que, per qui, per
Číslo (numero) – in le tcheco existe le numeros singular e plural:
Dual: sloveniano, lituano, arabo
Trial: Tok Pisin (lingua creol), bislamiano (Vanuatu)
Quartal: le linguas de signos tchec
In le tcheco il ha: pluralia tantum – solo le forma in plural que exprime plural e singular, singularia tantum – solo le forma in le singular que exprime singular e plural.
„Mykání“ – usa le 1me persona del plural – my = nos: pluralis majesticus, le plural de autor, le plural empathic.
„Vykání“ – usa le 2e persona del plural pro un persona appellate – vy = vos
„Onikání“ – usa le 3e persona pro un (plure) personas – le slovaco, le germano, le espaniol –oni = illes
Jmenný rod (genus nominis = genus) – in multe linguas indoeuropee il ha 3: masculino, feminino e neutro. Non depende si illos son vivente, non-vivente, abstracte, etc. Isto es le tradition sin ulle logica. In Europa il ha linguas sin genere grammatical - le anglese (solmente he, she, it), hungaro, finnese, estoniano, basco, georgiano. Isto vale pro multe linguas extraeuropee como p.ex. le chinese, japonese, vietnamese, turco. Le genere grammatical commun e neutro: le danese, svedese, norvegiano. Le masculinos e femininos son in le: linguas romanic (excepte romaniano), celtic, arabe, hebreo, hindu, urdu. Tres generes grammatical: linguas slave, latino, greco, romaniano. Plus que tres generes ha: bantu, swahili, zulu... Plus que tres generes con indication del mesura: bengali, chinese, japonese, coreano, thai...
Vzor (paradigma) es le parola que representa le classe flexive pro le declination e conjugation.
Ohýbání (flexion) es sovente usate in le linguas flexive, introflexive e agglutinante. In le opposition son le linguas analytic.
VERBOS
In le phrase le verbo ha obviemente le function del predicato. On face conjugation per le desinentias special, in altere casos anque per le cambiamento del radice.
Le verbo exprime: persona, numero, tempore, aspecto, genere e modo. On distingue, in le verbos tchec, inter 2 formas: simple – dělám – io face, udělám – io facera; composite: dělal jsem – io faceva, udělal jsem -io ha facite, budu dělat – io facera...
Le formas del verbos: infinitivo, participio, transgressiones.
Le negation, on face per le prefixo –ne. P.ex. dělám io face e nedělám io non face. In phrases thec il ha sovente le negation duple o triple. P.ex. Nikdy nic nedělám – litterarimente: „nunquam nihil io non face“ – correctemente: Jammais io face qualcosa.
Categorias del verbo:
- Persona
- Numero
- Aspecto (= vid) existe in le linguas slave. Le aspecto perfecte indica le action finite – udělal jsem – io ha (habeva) facite. Le aspecto imperfecte indica le action fluente: dělám, dělal jsem, budu dělat – io face, faceva, facera. Le aspecto del verbo es le plus sovente create per prefixos, ma il ha anque suffixos o (rarmente) le modo irregular, p.ex. brát – vzít = prender
- Altere punctos de vista
- Modo - indicativo, imperativo, conditional
- Tempore – il ha solmente 3 tempores in le tcheco: presente, preterito e futuro. Plusquamperfecto non es plus usate, p.ex. byl jsem udělal – io habeva facite.
- „Used to be“ – repetition del action in le passato. Dělalával jsem – io sole facer, dělávával jsem – io sole haber facite
- Classes e paradigmas – il ha 5 classes e 14 paradigmas del verbos
- Verbos irregular (9):
být – esser, mít – haber, jít – ir a pede, jet – ir per un vehiculo, jíst – mangiar, vidět – vider, vědět – saper, chtít – voler, stát – star
ADJECTIVOS
positivo, comparativo e superlativo.
PRONOMINES
personal, possessive, demonstrative, interrogative, relative, indefinite, negative.
ADVERBIOS
son le plus sovente derivate del adjectivos.
INFLEXIVOS
paratactic e hypotactic.
PARTICULAS
p.ex. ano – si, ne – no, zajisté – certo.
CONJUNCTIONES
existe in tote le linguas. P.ex. haló – hallo.
LE DERIVATION DE PAROLAS IN LE LINGUA TCHEC
| Le radice tchec MYSL | francese | anglese | interlingua |
| mysl | esprit | mind | mente |
| s.mysl | sens | meaning | senso |
| ne.s.mysl | nonsens | nonsens | nonsenso |
| ú.mysl | intention | intention | intention |
| vý.mysl | fiction | fiction | fiction |
| du.mysl | ingéniosité | ingenuity | ingeniositate |
| pru.mysl | industrie | industry | industria |
| pru.mysl.ník | industriel | industrialist | industrial |
| mysl.itel | penseur | thinker | pensator |
| myšl.ení | pensement | thinking | pensamento |
| myšl.enka (idea) | pensée, idea | thought, idea | pensata, idea |
| po.myšl.ení | désir | desire | desiro |
| mysl.ivec | garde-chasse | gamekeeper | venator |
| mysl.ivna | maison forestiere | gamekeeper's lodge | casa de venator |
| mysl.ivost | cynégétique | gamekeeping | cynegetica |
| do.mýšl.ivost | présomption | presumption | presumption |
| do.mýš.ivec | présomtueux | conceited person | presumptuoso |
| mysl.et | penser | to think | pensar |
| do.mysl.et | conjecturer | to think trough | conjecturar |
| do.mysl.et si | deviner | to deduce | divinar |
| po.mysl.et | avoir l‘intention | to intend | intender |
| po.mysl.et si | s‘imaginer | to realise | imaginar |
| po.mýšl.et | songer | to contemplate | soniar |
| pro.mysl.et | réflechir murement | to think sth over | premeditar |
| vy.mysl.et | inventer | to invent | inventar |
| vy.myls.et si | inventer (une excuse) | to make sth up | excogitar (?) |
| za.mýšl.et | avoir l´intention | to intend | intender |
| za.mysl.et se | méditer | to consider | meditar |
| za.mysl.et se | réflechir, méditer | to reflect | reflecter |
Solo substantivos e verbos son introducite. Il ha anque adjectivos e adverbios derivate del radice –mysl-.