19ne Conferentia International de Interlingua
2011-01-24 20:28
Official | Organisation
19ne Conferentia International de Interlingua
del Union Mundial pro Interlingua (UMI)
le 23 de julio ~ 30 de julio 2011 | Benvenite a Bulgaria!
 Iste pagina va esser sempre actualisate con le novas le plus recente super le 19ne conferentia.
INVITATION
Le UMI invita omne membros e lor familias al 19ne Conferentia International de Interlingua in le citate Chepelare in le sud de Bulgaria, le 23 de julio al 30 de julio 2011.
LE NOVAS LE PLUS RECENTE
CHEPELARE, LE CITATE CONFERENTIAL
PROGRAMMA DEL CONFERENTIA
Le programma detaliate del conferentia es in preparation e essera publicate si tosto como possibile.
SCHEDA DE INSCRIPTION
Si tosto como possibile, le participantes debe
- 1. plenar e signar le scheda de inscription sur papiro e inviar lo a:
Union Mundial pro Interlingua
Petyo Angelov
Sveta Troitsa 145v/G/3/159
BG-1309 Sofia
BULGARIA
- 2. pagar le deposito de 90 euros per persona al conto del UMI:
Conto de banca: Numero IBAN: FI18 1820 3000 0163 29. Numero SWIFT: NDEAFIHH. Le resto del pagamento de participation debe esser pagate ante le 1 de junio 2011; un rememoration va esser inviate a omnes qui se inscribe. – Le deposito non es retornate, si on non participa.
- 3. inviar un message de e-posta a office@sigilla.com (o telephonar a: (+359) 889 66 30 50 pro confirmar le invio del scheda e pagamento del deposito. Le posta gastropode in Bulgaria non sempre functiona ben. Assi il es necessari con iste controlo extra. Scribe p.ex.: “Io ha le [data] inviate le inscription al 19e conferentia pro [scribe le nomines plen de omne le personas]. Per favor, confirma le reception de mi inscription. Con salutes amical [tu nomine].”
Le resto del pagamento de participation debe esser pagate ante le 1 de junio 2011; un rememoration va esser inviate a omnes qui se inscribe. – Le deposito non es retornate, si on non participa.
|
| BULGARIA |
Situate in Europa de Sudest con frontieras a Romania, Serbia, Macedonia, Grecia, Turchia e le Mar Nigre. Area: 110.879 km2 (le pais numero 104 in le mundo). Population: 7,14 mio. (julio 2010). Lingua official: Bulgaro (in familia con macedono), usa litteras cyrillic. Desde 2007 un membro del Union Europee. Le valuta es lev (plural: leva) e consiste de 100 stotinki; 1 lev es circa 0,5 euros; altere valutas non pote immediatemente esser usate.
|
| CHEPELARE |
Situate vicin al Riviera Chepelare 230 km al sud del capital Sofia, 80 km de Plovdiv (le secunde plus grande urbe in Bulgaria) e 22 km del centro de districto Smolyan. Del 384 km2 que coperi le region, 73 pro cento es forestes, 14 pro cento paisage platte e 11 pro cento paisage agricultural. Milles de touristas de Bulgaria e del estraniero visita cata anno Chepelare que recipe cata anno 30-80 cm de nive que sole remaner pro 80-100 dies. Illo ha circa 270 dies con sol per anno. Le estate sole esser fresc e agradabile. Le citate celebrava su 300esime anniversario in 2005.
|
|
|
