Skip navigation.
Home

17-me Conferentia International del Union Mundial pro Interlingua

le 16 ~ 22 de julio 2005  |  Benvenite a Svedia!


Le museo a bicyclettas

SVEDIA – Le museo provincial ha un del melior collectiones de bicyclettas del pais. Un grande parte de illos nunc es exponite in le Museo de Bicyclettas in le fortalessa. Le cavallo ya esseva le predecessor del bicycletta, e le museo hodie es installate in tres etages in le stabula de rege Karl XI, un belle edification del dece-septime seculo. Hic es exponite le developpamento technic de bicyclettas, le developpamento del fabrication a bicyclettas Monark e le signification social del bicycletta. Plus que 50 bicyclettas es exponite, p.ex. le bicycletta con rotas alte, le bicycletta Svea*, le bicycletta de plastico (Itera) e un bicycletta unic con duo rotas pro infantes, del annos 1890.

20 de junio – 15 de augusto: aperte omne dies 10 – 18 horas Carta de entrata collective con le museo provincial. Adultos: 50 coronas. Infantes e juvenes (6–17 annos): 10 coronas. Altere tempores del anno solmente gruppos avisate in avantia.

Pro information ulterior contacta 
Le museo provincial de Varberg, tel. +46 (0)340 185 20

* Le developpamento del bicycletta Svea esseva financiate per Alfred Nobel. Illo habeva pedales que agitava in alto e a basso, in vice de rondemente, e realisava un velocitate plus alte.

Traduction in interlingua per Erik Enfors, le Societate Svedese pro Interlingua

In iste pagina: Le museo a bicyclettas es situate in tres etages del stabulo de rege Karl XI in le fortalessa de Varberg.

Initio del pagina