Skip navigation.
Home

Quiz historic de interlingua

UMI  Presentate durante le 15e Conferentia International de Interlingua.
Gdańsk, Polonia, martedi le 31 de julio 2001, 13:30~16:15 horas.
  1. Quando esseva arrangiate pro le prime vice le Die de Interlingua?
    1. 1976
    2. 1992
    3. 1981
  2. Qui esseva Alexander Gode?
    1. famose poeta brasilian, qui scribeva in interlingua
    2. millionario qui supportava le labor de interlingua
    3. le ultime director de recercas de IALA ("International Auxiliary Language Association"), que elaborava interlingua
  3. Un equipa danese-svedese traduceva in 1997 cinque famose contos — de qui?
    1. H. C. Andersen
    2. Astrid Lindgren
    3. Sherlock Holmes
  4. Quante libros con contos de H.C. Andersen ha apparite in interlingua?
    1. tres
    2. nulle
    3. duo
  5. In le estate 2000 habeva loco ancora un incontro nordic. Qual vice es isto que le daneses-svedeses-norvegianos-finneses se incontrava pro planificar actiones commun e excambiar ideas?
    1. le tertie
    2. le quinte
    3. le septime
  6. In decembre 1997 appareva le volumine del Grande Encyclopedia Danese con interlingua. Quanto plena le articulo?
    1. 11 lineas
    2. un medie columna
    3. plus que un columna + un scheda
  7. "Ia" es le abbreviation official de interlingua, approbate per le organisation de standardisation international, ISO. Secundo qual standard es isto?
    1. 2.000
    2. 639
    3. 9.000
  8. Le bibliothecas danese faceva ab januario 1998 un cambio que ha signification pro interlingua. Qual cambio?
    1. interlingua habera gruppos separate pro manuales e litteratura in le systema de classification decimal
    2. on compra un grande stock de libros in interlingua pro le bibliothecas principal
    3. on pote prestar le libros pro 1½ menses in vice de 1 mense
  9. Un vice cata mense, interessatos se incontra a Nyboder Skole in Copenhagen, Danmark, pro duo horas de e in interlingua. Quando es isto?
    1. le 24 del mense (excepte decembre)
    2. le ultime martedi del mense
    3. le prime jovedi del mense
  10. Proque ha le 15 de januario essite seligite como le Die de interlingua?
    1. a ille data on prendeva le decision de un die special pro interlingua
    2. a ille data in 1951 esseva registrate le "Interlingua—English Dictionary" in le officio american de derectos del autor
    3. illo coincide con le data del fundation del Union Mundial pro Interlingua
  11. In qual pais esseva le Union Mundial pro Interlingua fundate le 28 de julio 1955?
    1. Francia
    2. le Statos Unite de America
    3. Grande Britannia
  12. Le lingua del IALA esseva pro le prime vice appellate "interlingua" in un articulo in le jornal francese Le Figaro. Quando esseva isto?
    1. 1924
    2. 1947
    3. 1950
  13. Qual esseva le nomine del prime magazin scientific que solmente usava interlingua como lingua redactional?
    1. Danish Medical Bulletin
    2. Spectroscopia Molecular
    3. Unir
  14. Un tote branca professional ha essite membros de un organisation national de interlingua. Qual branca?
    1. Le masoneros francese
    2. Le medicos american
    3. Le stenographos del parlamento svedese
  15. Qual es le titulos que desde 1988 se univa in Panorama?
    1. Currero + Novas de IALA
    2. Currero + Heraldo de Interlingua
    3. Heraldo de Interlingua + Unir
  16. Ubi esseva le conferentia de interlingua in 1997?
    1. Sheffield
    2. Zwolle
    3. Strasbourg
  17. Qual association national de interlingua es le plus vetere?
    1. Union Danese pro Interlingua
    2. Societate Britannic de Interlingua
    3. Union Interlingua de Helvetia
  18. Qual serie american de TV usava interlingua?
    1. James Bond
    2. Star Trek
    3. The Man from UNCLE
  19. Le prime associato distinguite del UMI, James M. Buchanan, es ganiator del premio de Nobel. In que?
    1. biologia
    2. scientia economic
    3. litteratura
  20. Le obras basic de interlingua, "Interlingua—English Dictionary" e "Interlingua Grammar" appareva in lor secunde editiones — quando?
    1. 1971
    2. 1956
    3. 1989
  21. Le dictionario le plus grande de interlingua ha apparite in...
    1. nederlandese
    2. espaniol
    3. anglese
  22. Qual esseva le prime magazin jammais a usar interlingua pro summarios regular?
    1. Blood
    2. Journal of Dental Medicine
    3. Quarterly Bulletin of Sea View Hospital
  23. Le Division Interlingua de Science Service publicava un mensual, "Scientia International", cuje prime edition appareva in...
    1. septembre 1955
    2. julio 1952
    3. augusto 1951
  24. Alexander Gode, redactor del "Interlingua—English Dictionary", esseva plus tarde fundator e prime presidente de...
    1. Association American de Traductores
    2. Organisation de Standardisation International
    3. le servicio de traduction del Nationes Unite
  25. Le IALA esseva dissolvite post haber laborate con interlingua desde 1924. Quando esseva isto?
    1. le 7 de octobre 1959
    2. le 15 de januario 1951
    3. le 31 de martio 1953
  26. Multe organisationes influential supportava le labor de IALA. Qui esseva inter illos?
    1. Rockefeller Foundation, Carnegie Foundation e Rotary
    2. le Casa Blanc e le Bibliotheca del Congresso
    3. le Nationes Unite
  27. Ubi comenciava le labor lexicographic del IALA?
    1. Universitate de Columbia
    2. Universitate de Liverpool
    3. Universitate de Bruxelles
  28. Qual esseva le titulo del mensual de IALA?
    1. Novas de IALA
    2. Novas de interlingua
    3. Notas de interlingua
  29. Alice V. Morris (1874~1950) esseva le motor detra IALA ma moriva ante le publication de interlingua in 1951. Que significa le "V." de su nomine?
    1. Victoria
    2. Vanderbilt
    3. cinque (V)
  30. Le Bibliographia de Interlingua presenta un selection de titulos in interlingua. Durante quante annos ha illo apparite iste anno?
    1. 30
    2. 25
    3. 28
Initio del pagina