Skip navigation.
Home

Polonia, GDANSK (DANZIG) 2001: 15te Conferentia International del Union Mundial pro Interlingua

28 de julio — 4 de augusto 2001


50 annos de Interlingua!

Le effortios de milles de collaboratores laborante enthusiastica- e seriosemente pro Interlingua durante iste 50 annos certemente es digne de un manifestation celebratori. Vamos facer un grande Conferentia! Le initio de un nove millennio es un occasion auspiciose pro facer planos pro le futuro...

Un nove association in Polonia!

Un Conferentia es sempre un opportunitate pro ingagiar interessatos e organisar un association local.

Un nove association in America del Nord!

Le Conferentia es le loco ideal pro discuter le organisation del nove association pro le Statos Unite o, plus generalmente, America del Nord. Le presentia del nord-americanos es multo importante!

Le divulgation de Interlingua in le Nove Millennio!

Le ideas de cata persona es importante pro elaborar planos de action pro divulgar Interlingua al maximo in le millennio que se initia.

Citatano del mundo

Ultra toto, un Conferentia es un opportunitate unic de facer contactos international, stabilir amicitia con altere utilisatores de Interlingua, e meliorar tu dominio de Interlingua per practicar lo oralmente e per scripto.

“Io vole participar!”

Lege plus detalios e plena le scheda de inscription.

Le citate-sede

Cognosce Gdańsk (Danzig), le citate-sede del Conferentia.

Initio del pagina