Skip navigation.
Home

Textos e ligamines de iste emission

Car ascoltatores!

Le poema de Goncalves Dias traducite per Erick Fishuk como "Canto del Exilio" se lege tamben in le Almanac de Interlingua, in le numero 37 pro decembre 2012, ma io lo publica tamben ci:

Mi pais habe palmieros,
Ubi canta un Sabia;
Ci le aves nunquam trilla
Equalmente como la.

Nostre celo: plus de stellas,
Nostre valles: plus de flores,
Nostre boscos: plus de vita,
Nostre vita: plus de amores.

In soniar sol in le nocte
Io gaude me plus la;
Mi pais habe palmieros,
Ubi canta un Sabia.

Mi pais ha meravilias
Que le terra ci non da;
In soniar - sol, in le nocte -
Io gaude me plus la;
Mi pais habe palmieros,
Ubi canta un Sabia.

Ante deceder, oh Deo,
Io vole vader la;
E fruer le meravilias
Que le terra ci non da;
E vider ille palmieros,
Ubi canta un Sabia.

Le pecia music de Csaba Kocsis iste vice se nomina: "Trio".

Informationes super le veniente conferentia international de interlingua se trova sub http://www.interlingua.com/conferentia/2013.

Ecce le scheda de inscription: http://www.interlingua.com/conferentia/2013/scheda-de-inscription.

Le maniera de contribuer con ideas al motto e le programma del international conferentia veniente de interlingua es le sequente:

1. Vade al adresse:
http://lists.interlingua.com/listinfo.cgi/conferentia-programma-interlingua.com
e inscribe te al lista. Scribe tu adresse electronic, tu nomine, e
clicca sur "Abona".

2. Scribe separatemente a Martijn Dekker, vice-secretario de UMI al adresse vice-secretario@interlingua.com con un curte explication de lo que tu pote contribuer.

3. Ille te inviara le regulas e conditiones de participation (p.ex. tu
debe promitter de tractar le discussiones interne como confidential). Tu
debera declarar te de accordo con istes.

Le blog de Marcus Scriptor con su poemas originalmente scribite in interlingua es: http://poemasepensatas.blogspot.se

Con servicio redactorial verso vos:

Péter Kovács

Reponde

Le contento de iste campo es tenite private e non essera monstrate publicamente.
  • Etiquettas HTML permittite: <a> <em> <strong> <cite> <code> <ul> <ol> <li> <dl> <dt> <dd>
  • Lineas e paragraphos restarta automaticamente.
Plus de informationes super optiones de formatar
Initio del pagina