Skip navigation.
Home
-

UMI11 contos (Anton Tchekhov)  Anton Pavlovic Tcheckov (1860-1904), esseva medico, scriptor e dramaturgo russe.

Su obras narra historias de gente humile e anque su vita ha essite sempre dedicate al adjuta del proximo, super toto si plus debile.

Su prime collectiones de novellas esseva constituite per breve contos humoristic super le vicissitudes de empleatos statal e parve burgeses. Ille collaborava con importante magazines litterari russe, presto perveniva a grande fama e deveniva un del plus legite scriptores russe.

A partir de 1887 Tcheckov comenciava le redaction de su contos plus celebre, e, abandonate le stilo humoristic, le characteristica dominante de su scriptura deveniva le pessimismo del triste fluer del vita, interrumpite a vices per radios de sperantia e fide in le futuro.

Notabile esseva su production theatral. Le comedias de Tcheckov representa un petra milliari del dramaturgia de tote le tempores. Al initio del XX seculo, super su textos theatral Kostantin Stanislavski elaborava un nove methodologia de recitation, pro adaptar le arte dramatic al expression de statos de anima complexe, de tracias emotional.

On presenta ci 11 contos de Tcheckov de stilo quasi integremente humoristic in le traduction in interlingua per Onofrio Notarstefano de Italia.

Discarga le libro!

Reponde

Le contento de iste campo es tenite private e non essera monstrate publicamente.
  • Etiquettas HTML permittite: <a> <em> <strong> <cite> <code> <ul> <ol> <li> <dl> <dt> <dd>
  • Lineas e paragraphos restarta automaticamente.
Plus de informationes super optiones de formatar
Initio del pagina