Radio Interlingua 010

2009-06-08 20:42 Radio

Ascolta:
Artista: Redaction de Radio Interlingua
Titulo/rubrica: Radio Interlingua 010
Album: Interlingua
Tracia: 10
Genere: podcast
Anno: 2009
Longor: 27:45 minutas (12.71 MB)
Formato: MP3 Stereo 22kHz 64Kbps (CBR)

Emission de 2009, maio. Contento: | Interview con Leo Frank (2 annos) | Litteratura: "Chichibio e le grue" (Giovanni Boccaccio), legite per Alberto Mardegan in Asa, Svedia, al conferentia international de interlingua in le estate de 2005 | Interview de Thomas Breinstrup con Martijn Dekker, interlinguista nederlandese super le interfacie interlinguaphone de Wikipedia |

» discarga file audio | adde un nove commento | version pro imprimer

Le plus bon partes

Inviate per Viagiator del mundo (non verificate), sab, 20/06/2009 - 02:44.

Il me place multo le interview humoristic con le puero de duo annos, e probabilemente mi emission favorite es illo, punctuate per rision variate. Io crede que iste pecias vive que tene le attention es le plus efficace in attraher ascoltatores e diffunder interlingua. Durante que le musica es relaxante, io suggere presentar lo, ma retener lo breve, postque le grande attraction a Interlingua es audir o vider le lingua e pensar, "Io lo comprende!" o "Que lingua isto es?"

» responde

a Viagiator

Inviate per petro_ferrero, lun, 22/06/2009 - 08:27.

Secundo me le interview con Leo non era facite del scopo humoristic, ma seriose.

Si, io presenta pecias musical breve, anque in iste emission e io lo ha dividite in tres partes equal, si io ben memora, in tres vices duo minutas. Assi illo es assatis breve, ben que alteres pensa, que il deberea haber plus de musica in le emissiones (a fin que le mente de uno relaxa inter le partes de parlar, que pote esser difficile pro les qui non ha interlingua como lingua materne ( = tote de nos...). Le gente ha opiniones differente...

» responde

Salute! Un emission grande!

Inviate per Sica (non verificate), jov, 11/06/2009 - 06:09.

Salute!

Un emission grande e plus belle de 30 minutas!

Que es le adresse web del glossario del interfacie Wiki, que esseva traducite per Martijn Dekker?

Que es le nomine del autor ruman, mentionate in le emission, qui scribeva libros in Interlingua e qui moriva in 2003?

Que es le nomine del libros scribite per ille; existe un libro web con le texto?

Multe gratias.

» responde

responsas

Inviate per petro_ferrero, jov, 11/06/2009 - 10:40.

Car Sica

Responsa a tu prime question:

Le ligamine al glossario de Media Wiki, respectivemente de terminos technic informatic de interlingua es:

http://translatewiki.net/wiki/Portal:Ia#Parolas

Al secunde: Toma Macovei (como Thomas Breinstrup lo diceva in le emission).

Al tertie: Io non sape, si existe un bibliographia plen de Toma Macovei, ma tu pote vider su libros ordinabile al Servicio de Libros de UMI sub iste ligamine:

http://www.interlingua.com/libros/god-pet.htm

(cerca su nomine in le lista del autores).

Ille ha scribite multo, ma per un machina de scriber (e forsan mesmo per mano...?!), mesmo sur papiros tenue, que non se lassa scannar. Assi on debe tippar su obras manualmente a in le computator, que require multe tempore e dedication. Pro isto non multe obras sue es in vendita actualmente (vide le ligamine), ma recentemente Martijn Dekker ha interprendite occupar se con obras non publicate de Toma Macovei, assi sperabilemente plus de libros va apparer de Macovei e pote esser comprabile in le futuro.

Péter Kovács
redactor de RI

» responde