Bon avisos quando tu es in Internet o usa le chat

2009-01-04 15:59 Interlingua pro juniores

Sempre mantene tu nomine, adresse e numero de telephono pro te mesme. Non lo narra a alteres. Narra anque non in qual schola tu va.
Non invia jammais photos de te mesme.
Un contrasigno (o codice) personal es tu proprie identitate. Mantene lo secrete - anque a tu bon amicos e adultos.
Es bon haber amicos in le rete, ma narra a tu parentes, qui tu incontra. Memora que tu non pote vider le persona con qui tu parla in un chat. Alcunos non dice le veritate e pote assi facilemente mentir de lor ver etate.
Si tu desira incontrar alcuno, con qui tu ha parlate in le rete, alora demanda le permission de tu parentes. Incontra les solmente, si tu parentes pote esser presente.
Il ha multe cosas superbe in le rete, ma il ha anque alcunos vermente disgustose. Narra sempre a un adulto, si tu vide qualcosa que te face mal.
Chat pote esser amusante, ma claude le connexion, si alcuno in le chat se comporta estraniemente o te face insecur. Non responde a questiones super sex.
Si tu vole discargar un joco o qualcosa simile de Internet, alora face lo con le adjuta de un adulto.